Gedicht von Albert Ochsner sen. - Am Gryfesee


Chum mit und lueg de Gryfesee
so schön i d Landschaft bettet,
die stille Ufer, was wotsch meh,
du gsehsch die ganzi Alpechette.

Chumm mit und gnüss de Gryfesee
mit sine schöne Gschtade,
en Strand, chasch niene schöner gseh,
chasch ruebe, fische und chasch bade.

Chum mit, am Abig uf de See
ghörsch d Bätzytglogge lüte
die schöne Kläng, was wottsch na meh
und s Echo ghörsch vo allne Syte.



(Albert Ochsner sen. wurde 1914 in Pfaffhausen geboren,
wo er einen Bauernbetrieb bewirtschaftete.
Während vieler Jahre war er Gemeindepräsident von Fällanden.
Er verstarb 1991 in Pfaffhausen.)